Weg met Regstellende Aksie!!

Affirmative Action

As die idiote in hierdie land nog nie kan raaksien en agterkom net HOE erg regstellende aksie ons land opneuk nie, dan gaan hulle lyk dit my van nou af maar moet VOEL! Hierdie is nou die 2de saak wat hof toe gaan en ek hoop hierdie keer word daar nie net buite die hof geskik nie, maar dat die saak offisieel gewen word!

Polisievrou se saak oor bevordering gaan ook in die arbeidshof draai

2009-08-20 00:53
JAN DE LANGE

Nóg ’n saak waarin ’n wit polisie-offisier weens haar velkleur bevordering na ’n sleutelpos geweier is en die pos daarna jare lank vakant gelos is, word binnekort in die arbeidshof aangehoor.

Die hof sal dus tog gevra word om te besluit of regstellende aksie belangriker is as dienslewering, het mnr. Dirk Hermann, adjunkhoof van Solidariteit, gesê. Dié vakbond voer die saak namens die offisier, kapt. Renate Barnard.

Die eerste verhoor van dié aard, waarin vier wit forensiese wetenskaplikes in die polisie die weiering van hul bevordering betwis het, sou aanstaande maand begin, maar die SAPD het aangebied om dit buite die hof te skik.

In Barnard se saak het die destydse polisiehoof, komm. Jackie Selebi, self ingegryp en haar aanstelling in ’n nuwe sleutelpos in die SAPD se nasionale inspektoraat, die klagte-ondersoekafdeling, in Pretoria, verbied.

’n Keuringspaneel het Barnard twee keer aangewys as die beste kandidaat vir die pos van superintendent in die inspektoraat, wat geskep is om diens aan die publiek te verbeter.

Die inspektoraat ontvang klagtes oor dienslewering van die publiek en ondersoek dit.

Die pos is in September 2005 geadverteer. Barnard het saam met verskeie ander kandidate daarvoor aansoek gedoen. Die keuringspaneel het ná onderhoude ’n punt van 86,67% aan haar toegeken. Dit was 17,5% meer as die punt wat hulle aan die enigste ander ernstige kandidaat, ene kapt. Shibambu, toegeken het.

Die paneel het bevind die verskil tussen Barnard en Shibambu is só groot dat dienslewering in gedrang sou wees as Shibambu die pos kry.

Hulle het dit aan Barnard toegeken, maar die afdelingskommissaris, ene asst.komm. Rasegatla, het besluit die pos moet weens regstellende aksie nie gevul word nie.

Die pos is egter ’n jaar later weer geadverteer en Barnard het weer daarvoor aansoek gedoen.

’n Keuringspaneel het weer beslis sy is die enigste realistiese kandidaat wat die pos kan behartig.

Rasegatla het dié keer besluit dit moet aan haar toegeken word.

Nogtans het Selebi haar aanstelling afgekeur op grond daarvan dat dit nie regstellende aksie sou bevorder nie. Hy het die pos toe afgeskaf.

Barnard is steeds ’n kaptein en beklee dié rang nou reeds 12 jaar lank.

Die arbeidshof in Johannesburg sal die saak van 16 November aanhoor.

– Die Burger

One Response

  1. The the very next time I read a blog, Lets hope that it doesnt disappoint me about that one. What i’m saying is, Yes, it was my method to read, but I just thought youd have some thing interesting to mention. All I hear is a lot of whining about something that you could fix if you werent too busy trying to find attention.

Lewer kommentaar

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out / Change )

Twitter picture

Jy lewer kommentaar met jou rekening by Twitter. Log Out / Change )

Facebook photo

Jy lewer kommentaar met jou rekening by Facebook. Log Out / Change )

Google+ photo

Jy lewer kommentaar met jou rekening by Google+. Log Out / Change )

Connecting to %s

%d bloggers like this: